نیشنل سینٹر فار سیسمولوجی سے موصولہ اطلاع کے مطابق صبح 6.53 بجے آنے والے اس زلزلے کی شدت ریکٹر اسکیل پر 6.0 بتائی گئی ہے۔
انڈونیشیا سے اس وقت بڑی خبر آرہی ہے۔ منگل کی صبح یہاں زلزلے کے جھٹکے محسوس کیے گئے۔ زمین ہلنے کی وجہ سے افراتفری مچ گئی۔ لوگ گھروں سے باہر نکل آئے۔ معلومات کے مطابق ریکٹر اسکیل پر زلزلے کی شدت 6.0 بتائی جارہی ہے۔
این سی ایس نے کہا کہ زلزلے کا مرکز سولاویسی سے 779 کلومیٹر دور تھا۔
ایجنسی کے مطابق زلزلے سے کسی قسم کے نقصان کے بارے میں کوئی اطلاع سامنے نہیں آئی ہے۔ جب زلزلہ آیا تو لوگ اپنے گھروں میں سو رہے تھے لیکن جیسے ہی زمین ہل گئی لوگ گھروں سے باہر نکل آئے۔ خوفزدہ لوگ اپنے عزیز و اقارب کی دیکھ بھال کرتے نظر آئے۔
انڈونیشیا کو زلزلوں کے لیے انتہائی حساس علاقہ سمجھا جاتا ہے۔ وقتاً فوقتاً زلزلوں کے شدید جھٹکوں سے جان و مال کا وسیع پیمانے پر نقصان ہوتا رہا ہے۔ 2004 میں زلزلے کے شدید جھٹکوں کے بعد آنے والی سونامی کی لہر نے یہاں بڑے پیمانے پر تباہی مچائی تھی ۔
