روس یوکرین جنگ: روسی حملے سے یوکرین کے فوجی اڈوں کو بھاری نقصان پہنچنے کی خبر ہے۔ روس کا دعویٰ ہے کہ اس نے یوکرین میں 11 فضائی پٹیوں سمیت 70 سے زائد فوجی اڈوں کو تباہ کر دیا ہے۔
روس کے حملے کی وجہ سے یوکرین میں درجنوں افراد ہلاک ہو چکے ہیں اور سیکڑوں لوگ اپنا گھر بار چھوڑ کر دوسری جگہوں پر منتقل ہونے پر مجبور ہو گئے ہیں۔
کہا جا رہا ہے کہ وزیر اعظم نریندر مودی یوکرین بحران کے حوالے سے روسی صدر ولادیمیر پوٹن سے بات کر سکتے ہیں۔ وزیر اعظم مودی نے یوکرین کے بحران کے درمیان کابینہ کمیٹی برائے سلامتی (CCS) کی میٹنگ کی صدارت کی۔ اس میٹنگ میں وزیر داخلہ امت شاہ، وزیر دفاع راج ناتھ سنگھ، وزیر خزانہ نرملا سیتا رمن اور قومی سلامتی کے مشیر سمیت دیگر اہم حکام شامل ہیں۔
روس نے یوکرین کے بندرگاہی شہر اوڈیسا کو بھی نشانہ بنایا ہے۔ اس میں 18 لوگوں کی موت کی خبریں آرہی ہیں۔ مقامی انتظامیہ کا کہنا تھا کہ جمعرات کو اوڈیسا کے قریب ایک فوجی اڈے پر کیے گئے فضائی حملے میں 18 افراد ہلاک ہوئے۔ ان میں 10 خواتین اور 8 مرد شامل ہیں۔ انہوں نے کہا کہ اس وقت ہم ملبہ کھود رہے ہیں۔
