فرانس میں بھی کورونا کے کیسز میں اضافہ ہو رہا ہے۔
آسٹریا نے کورونا وائرس کے پھیلاؤ کب وجہ سے لاک ڈاؤن نافذ کر دیا ہے۔
یورپی ممالک میں کورونا کی منتقلی ایک بار پھر عروج پر ہے۔ اسی کے پیش نظر جرمنی میں ویکسینیشن کو لازمی قرار دیا جا رہا ہے۔ جرمن حکومت نے بھی اعتراف کیا ہے کہ ملک میں کورونا کی چوتھی لہر آئی ہے۔ دوسری جانب آسٹریا نے پیر کے روز ملک گیر لاک ڈاؤن نافذ کر دیا تاکہ کورونا وائرس کے انفیکشن کی بڑھتی ہوئی لہر کو روکا جا سکے۔
فرانس کے وزیر اعظم جین کاسٹیکس کا بھی کورونا رپورٹ مثبت پایا گیا ہے۔ وہ حال ہی میں بیلجیم کے دورے سے وطن واپس آنے کے بعد متاثر پائے گئے ہیں۔ یہ اطلاع وزیر اعظم کے دفتر نے دی ہے۔ کئی یورپی ممالک کی طرح فرانس میں بھی کورونا کی نئی لہر دیکھنے میں آ رہی ہے۔
فرانس میں تقریباً 75% آبادی کو ویکسین لگائی گئی ہے۔ اس کے باوجود کورونا مثبت رپورٹ میں تیزی سے اضافہ ہورہا ہے ۔ کورونا سے ہونے والی اموات اور ہسپتالوں میں داخل ہونے کی شرح بھی بڑھ رہی ہے۔
