اندراپرستھا گیس لمیٹڈ نے ایک بار پھر سی این جی اور پی این جی کی قیمتوں میں اضافہ کیا ہے۔ گیس کی قیمتوں میں 10 دنوں میں دوسری بار اضافہ کیا گیا ہے۔ نئی قیمتوں کا نفاذ 13 اکتوبر یعنی آج سے کیا گیا ہے۔ قیمتوں میں پہلا اضافہ 2 اکتوبر کو کیا گیا تھا۔ یہ اس سال 5 ویں بار سی این جی اور پی این جی کی قیمتوں میں اضافہ کیا گیا ہے۔ اندراپرستھا گیس لمیٹڈ کے مطابق سی این جی اور پی این جی 2 روپے سے زیادہ مہنگے ہو گئے ہیں۔
آج سے دارالحکومت دہلی میں سی این جی 49.76 روپے فی کلو اور پی این جی 35.11 روپے فی ایس سی ایم پر دستیاب ہوگی۔ سی این جی نوئیڈا ، گریٹر نوئیڈا اور غازی آباد میں 56.02 روپے فی کلو اور گروگرام میں 58.20 روپے فی کلو دستیاب ہوگی۔ پی این جی نوئیڈا ، گریٹر نوئیڈا اور غازی آباد میں فی ایس سی ایم قیمت 34.86 روپے اور گروگرام میں 33.31 روپے ہوگی۔
