نئی دہلی: ملک کے پہلے سی ڈی ایس بپن راوت تمل ناڈو میں فوج کے ہیلی کاپٹر کے حادثے میں شہید ہو گئے۔ بتا دیں کہ آرمی ہیلی کاپٹر IAF MI-17 V5 بدھ کی دوپہر کو گر کر تباہ ہو گیا۔ اس ہیلی کاپٹر میں ملک کے پہلے سی ڈی ایس وپن راوت سمیت 14 لوگ موجود تھے۔
ذرائع کے مطابق اس ہیلی کاپٹر حادثے میں سی ڈی ایس راوت کی اہلیہ مدھولیکا راوت کی بھی موت ہو گئی ہے۔ اس حادثے میں تمام چودہ مسافروں کی موت ہو گئی ہے۔ بھارتی فضائیہ نے نقصان کی تصدیق کر دی ہے۔
بپن راوت 16 مارچ 1958 کو پوڑی گڑھوال، اتراکھنڈ میں پیدا ہوئے۔ راوت کے والد لکشمن سنگھ راوت بھی فوج میں رہ چکے ہیں۔ وہ لیفٹیننٹ جنرل کے عہدے کے ساتھ ریٹائر ہوئے۔ راوت کی ابتدائی تعلیم سینٹ ایڈورڈ سکول شملہ میں ہوئی۔ اس کے بعد بپن راوت نے انڈین ملٹری اکیڈمی، دہرادون سے اپنی تعلیم مکمل کی۔ یہی نہیں، انہوں نے امریکہ کے ویلنگٹن کے ڈیفنس سروسز اسٹاف کالج سے گریجویشن کیا۔
