ایل پی جی گیس سلنڈر کی قیمت میں آج اضافہ: عام آدمی کی امیدوں کے خلاف سال کے آخری مہینے دسمبر کی پہلی تاریخ کو مہنگائی کا بڑا دھچکا لگا ہے۔ انڈین آئل کارپوریشن نے 19 کلو کمرشل گیس سلنڈر کی قیمت میں 100 روپے تک کا اضافہ کر دیا ہے۔ تاہم، 14.2 کلو کے غیر سبسڈی والے ایل پی جی سلنڈر کی قیمت میں کوئی تبدیلی نہیں کی گئی ہے۔
دراصل، سرکاری تیل کمپنیوں نے یکم دسمبر کو ایل پی جی گیس سلنڈر کی قیمتوں میں اضافہ کیا ہے۔ انڈین آئل کارپوریشن نے 19 کلو کمرشل گیس سلنڈر کی قیمت میں 100 روپے تک کا اضافہ کر دیا ہے۔
بغیر سبسڈی والے سلنڈر کی قیمت جوں کی توں برقرار ہے۔
تیل کمپنیوں کے اس اضافے کے بعد دہلی میں 19 کلو کے کمرشل گیس سلنڈر کی قیمت 100.50 روپے فی سلنڈر بڑھ کر 2101 روپے ہو گئی ہے۔ تاہم، 14.2 کلو کے غیر سبسڈی والے ایل پی جی سلنڈر کی قیمت میں کوئی تبدیلی نہیں کی گئی ہے۔ دہلی اور ممبئی میں 14.2 کلو کے بغیر سبسڈی والے ایل پی جی سلنڈر کی قیمت 899.50 روپے ہے۔ یہ کولکتہ میں 926 روپے اور چنئی میں 915.50 روپے میں دستیاب ہے۔
غور طلب ہے کہ ہر ماہ کی پہلی تاریخ کو تیل کمپنیاں جائزہ لینے کے بعد ایل پی جی گیس کی قیمتوں میں ردوبدل کرتی ہیں۔ آپ انڈین آئل کارپوریشن لمیٹڈ کی ویب سائٹ https://iocl.com پر جا کر اپنے شہر میں گیس سلنڈر کی قیمت معلوم کر سکتے ہیں۔
