ملک کی راجدھانی دہلی میں آلودگی کم ہونے کا نام نہیں لے رہی ہے جس کے نتیجے میں دہلی حکومت نے اب تمام تعمیرات پر پابندی لگا دی ہے۔
دہلی کے وزیر ماحولیات گوپال رائے نے کہا کہ دہلی حکومت تعمیراتی مزدوروں کو مالی مدد فراہم کرے گی۔اس کے علاوہ سرکاری ملازمین کے لیے سرکاری کالونیوں سے بسیں چلائی جائیں گی۔میٹرو اسٹیشن سے شٹل بس سروس شروع کی جائے گی۔
دوسری جانب دہلی کے سی ایم کیجریوال نے کہا کہ جب کہ تعمیراتی صنعت پر فی الحال پابندی ہے مزدوروں کے بینک کھاتوں میں 5000 روپے جمع کرنے کا حکم دیا ہے، ہم مزدوروں کو کم از کم اجرت کے مطابق معاوضہ بھی دیں گے۔ ایسے مزدوروں کی رجسٹریشن کے لیے تعمیراتی مقامات پر کیمپ لگائے جائیں گے جو رجسٹرڈ نہیں ہیں۔
اس سے قبل پیر کو دہلی حکومت نے تعمیرات پر سے پابندی ہٹا دی تھی لیکن بڑھتی ہوئی آلودگی کی وجہ سے دہلی حکومت نے دوبارہ تعمیرات روک دی ہیں۔
