پاک فوج کی طرف سے جموں و کشمیر میں دہشت گردوں کی دراندازی کی ایک اور کوشش کو آرمی اور بی ایس ایف اہلکاروں نے ناکام بنا دیا۔ شمالی کشمیر کے ضلع کپواڑہ کے ماچل سیکٹر میں ایل او سی پر بھارت میں دراندازی کی کوشش کرنے والے عسکریت پسندوں کے ساتھ جھڑپ میں ایک ہندوستانی فوج کا کپتان اور دو جوان اور ایک بی ایس ایف جوان مارے گئے۔ فوج کے دو اہلکار کے زخمی ہونے کی بھی اطلاعات ہیں۔ فوج نے تین دراندازیوں کو ہلاک کردیا۔
