راجستھان پولیس نے پیر کو تصدیق کی ہے کہ ڈنگر پور میں صورتحال پر قابو پانے کے لئے پولیس کی فائرنگ سے دو افراد ہلاک اور دو دیگر زخمی ہوگئے ۔ ڈائریکٹر جنرل پولیس (ڈی جی پی) بھوپندر سنگھ نے کہا ، "پچھلے چار دنوں میں ، ادے پور-احمد آباد نیشنل ہائی وے پر پھوٹ پڑنے والے تشدد میں دو افراد ہلاک اور دو دیگر شدید زخمی ہوئے ہیں۔ اتوار کی رات سے ہی اضافی پولیس فورس ریپڈ ایکشن فورس تعینات ہے۔ انہوں نے بتایا کہ زخمیوں کی حالت خطرے سے باہر ہے۔ انہوں نے بتایا کہ مجموعی طور پر 24 مقدمات درج ہیں اور ملزمان کے خلاف کارروائی کی جارہی ہے۔ ریپڈ ایکشن فورس (آر اے ایف) کی دو کمپنیاں اور راجستھان آرمڈ کانسٹیبلری (آر اے سی) کی چھ کمپنیاں تعینات کردی گئیں۔
